Гризманн "Интер"га қарши ўйинда майдонга тушадими?

Хабарингиз бор, "Интер" - "Атлетико" баҳсининг биринчи ўйинида Антуан Гризманн жароҳат олиб, майдонни эрта тарк этганди.

Шундан кейин француз "Альмерия", "Атлетик" ва "Реал Бетис"га қарши учрашувларни ўтказиб юборди. Кўплаб мадридлик мухлислар Гризманнинг "Интер" билан бўлиб ўтадиган жавоб баҳсигача сафга қайтишидан умидвор. 

"Marca" нашри Антуаннинг миланликларга қарши ўйинда майдонга тушишини маълум қилди. дастабки тўқнашувда минимал ҳисобда мағлуб бўлган "матрасчилар" 14 март куни камбэк қилишга ҳаракат қилади.