Гвардиола - дунёнинг энг яхши мураббийи!

Матео Ковачич Пеп Гвардиолани дунёнинг энг яхши мураббийи деб атади.

"Мен бу ерда бор-йўғи икки ҳафта бўлдим, лекин Гвардиола нимага интилаётгани ҳақида аниқ тасаввурга эга эканлигини дарҳол кўришингиз мумкин.

Бу бошқа даража. Мен бу ерга ўқиш учун келганман ва Пепни дунёнинг энг яхши мураббийи деб ҳисоблайман. Ундан ўрганиш эса жуда ёқимли, айниқса ярим ҳимоячи учун.

У менга қандай қилиб яхшироқ ҳаракат қилишни ўргатиши мумкин. Шунинг учун мен бу ерга келдим", - деди хорватиялик хавбек.

Эслатиб ўтамиз, ёзги трансферлар вақтида Ковачич "Манчестер Сити" футболчисига айланган эди. У клуб билан 2027 йилгача амал қиладиган шартномага қўл қўйди.