Гвардиола А Серия грандини бошқариши кутилмоқда

Хосеп Гвардиола “Манчестер Сити”ни 2016 йилдан бери муваффақиятли бошқариб келмоқда. Бироқ, жорий мавсум унинг учун сўнггиси бўлиши мумкин.

“Шаҳарликлар” молиявий қоидабузарликларни содир этганликда айбланмоқда. Англия Премьер-лигаси клубга санкциялар қўллаши кутиляпти. Агар жамоа қуйи лигаларга тушириб юборилса, Гвардиола ҳам ўзига бошқа жамоа танлаши керак бўлади.

Todofichajes нашрининг ёзишича, 52 ёшли мутахассис қўл остида қатор таклифлар бор. Чорловлардан бири Италия грандларидан ҳисобланган “Милан”дан.

Бу клуб раҳбарияти ҳозирги бош мураббий Стефано Пиоло ўрнига испаниялик мутахассисни олиб келишга тайёр.