
Gvardiola Abduqodir Husanovning asosiy raqobatchisi va bir necha futbolchilarining holati haqida batafsil gapirdi (matbuot anjumani)
"Manchester Siti" bosh murabbiyi Xosep Gvardiola jamoa holati, Niko O‘'Raylining rivoji, chempionlik poygasi va boshqa muhim mavzular haqida jonli matbuot anjumanida o‘z fikrlarini bildirdi:
O‘'Raylining "Vulverxempton"ga qarshi almashtirilishi haqida:
"U juda ko‘p daqiqalar o‘ynadi. Ba’zi futbolchilar ajoyib o‘ynab ham keyingi bahsda ishtirok etmaydi. Ba’zilar unchalik yaxshi o‘ynamaydi, lekin maydonga tushishda davom etadi. Bu jazo emas — har bir o‘yin tahlil qilinadi. O‘yin o‘tdi — o‘rgandik va keyingiga tayyorlanamiz. Ayniqsa yoshlar jamoaga muntazam ta’sir ko‘rsata boshlasa, juda yaxshi".
O‘'Raylining jamoadagi roli:
"Albatta, usiz bu natijalarni tasavvur qilish qiyin. U biz uchun katta ahamiyatga ega bo‘ldi".
Uning yarim himoyadagi o‘rni:
"Albatta, u bu pozitsiyada o‘ynay oladi. Ertaga? Ko‘rasiz..."
Kevin De Bryuyne boshqa APL klubiga o‘tishi haqida:
"Bilmayman. Men Kevin va uning oilasi uchun faqat yaxshilik tilayman".
APLda to‘rtlik uchun kurash va jamoa maqsadi:
"6-7 jamoa Chempionlar ligasiga chiqish uchun imkoniyatga ega. Biz har uchta o‘yinda g‘alaba qozonsak, maqsadga etamiz. Hammasi o‘z qo‘limizda".
APLda ikkinchi o‘rin va Kubok g‘alabasi mavsumni yaxshi deb baholashga arziydimi?
"Kechirasiz, bu haqida o‘ylamayapman. Hozirgi fikrim — faqat "Sautgempton". Kun davomida soatlab ular haqida o‘ylayapman".
Xabi Alonsoning "Bayer"dagi ta’siri:
"Ajoyib. Uni futbolchi sifatida taniydigan barcha odamlar undan kelajakda yaxshi murabbiy chiqishini bilardi. Germaniyada "Bavariya"ga qarshi kurash olib borish — o‘zi katta ish. U o‘tgan mavsumda faqat EL finalida yutilib, qolgan barcha o‘yinlarda mag‘lub bo‘lmadi. Ular qanday o‘ynaydi, futbolchilarni qanday rivojlantirdi — Leverkuzen bunday hamkorlikdan faxrlanishi mumkin".
Erling Xolandning jamoada "ochlik" etishmayotgani haqidagi so‘zlari:
"Agar Erling shunday his qilsa, futbolchilar o‘zaro gaplashib, sababini aniqlashlari kerak. Biz natijalardan xursandmiz, lekin bu uzoq muddatli barqarorlik bo‘lishi shart".
Rodrining holati bo‘yicha nimalar deya olasiz?:
"U hali ham jamoaga tayyor emas".
Yaqindagina jarohatdan qaytgan Ake va Bobb haqida:
"Natan Ake va Oskar Bobb qisman mashg‘ulotlarga qo‘shildi, lekin hali ham to‘liq tayyor emaslar".
Kovachichning joriy mavsumdagi o‘yini haqida:
"U ajoyib o‘ynayapti. Ayniqsa, Bernardo, Gyundogan yoki Niko bilan yonma-yon o‘ynasa, yuqori darajada harakat qilmoqda".
Jamoaning so‘nggi formasi:
"Mavsumning ikkinchi yarmidagi eng yaxshi natijalar qatorini qayd etdik".
"Sautgempton"ga qarshi o‘yin haqida:
"Hisob 0:0. Bu biz uchun juda muhim o‘yin. Faqat uchta bahs qoldi. Ularga nisbatan katta hurmatdaman" - deya ta’rif berib o‘tdi ispaniyalik mutaxassis.
Ma’lumot o‘rnida, Gvardiola boshchiligidagi "shaharliklar" 10 may kuni "Sautgempton"ga qarshi kurash olib boradi. Bu bellashuv esa soat 19:00 da start oladi.
Fikrlar