Гвардиола: "Де Брюйне каби ўйинчиларга мослашиш учун вақт керак эмас"

"Манчестер Сити" бош мураббийи Хосеп Гвардиола Кевин де Брюйненинг "Наполи"даги муваффақиятли дебюти ҳақида гапирди.

Бельгиялик ярим ҳимоячи А Сериядаги илк уч учрашувда икки бор гол урди.

"Бундай даражадаги ўйинчиларга мослашиш учун кўп вақт керак эмас. Де Брюйненинг майдонни кўриши, узатмалари, голли паслари ва сўнгги учдан бир қисмидаги ҳаракатлари уни ноёб қилади", – дея таъриф бериб ўтди испаниялик мутахассис Sky Sportsга.

34 ёшли футболчи бу ёзда "Манчестер Сити" билан 10 йиллик саёҳатини якунлаб, Италиянинг амалдаги чемпиони "Наполи"га қўшилган эди.