Гвардиола Ҳусановни мақтади

"Манчестер Сити" бош мураббийи Хосеп Гвардиола Абдуқодир Ҳусанов ҳақида фикр билдирди.

"Шаҳарликлар" устози бўлажак дерби олдидан матбуот анжуманида марказий ҳимоячи Абдуқодир Ҳусановнинг ўйини ҳақида гапирди.

"Ҳусанов "Арсенал"га қарши ўйинда жароҳат олгунига қадар мавсум бошида доимий ўйин амалиётига эга бўлиб келаётган эди.Шундан сўнг кўплаб ўйинларни ўтказиб юборди, чунки Рубен Диаш жуда зўр формада эди. Абдуқодир ҳар сафар майдонга тушганида ўзини зўр кўрсатмоқда", - деди испаниялик мутахассис.

Маълумот учун, Манчестер дербиси соат 17:30да старт олади.