Гвардиола ишонадиган дарвозабон қолмади
Зудлик билан зўр дарвозабон керак
“Манчестер Сити” ёзги трансферлар вақтида ишончли дарвозабон сотиб оладиган бўлди.
Хосеп Гвардиола асосий дарвозабон Эдерсонга рақобат кўрсата оладиган голкипер қидирмоқда. Жамоанинг иккинчи посбони Клаудио Браво клуб билан шартномани узайтиришни истамади ва маоши қисқартирилса ҳам, “Бетис”га ўтиб кетишга ҳаракат қилмоқда.
Бош мураббий ихтиёрида америкалик Зак Стеффен ва косовалик Ариянет Мурич каби ёш дарвозабонлар ҳам бор. Лекин испаниялик мутахассис жамоанинг энг муҳим нуқтасини уларга топширмаслигини ва бу футболчиларни ижарага юборишини маълум қилган.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар