Гвардиола жамоаси рақибни қандай янчиб ташлаганини айтди

Англия Прмьер-лигасининг 32-турида “Манчестер Сити” Лондонда ўтказилган учрашувда “Челси”ни 3:0 ҳисобида мағлубиятга учратиб, яна чемпионлик пойгасига қайтди.

Учрашувдан кейин Хосеп Гвардиола шогирдларининг ғалабасига муносабат билдирди.

- Иккинчи бўлимда яхшироқ ўйнадик. Биринчи бўлим ёмон эмасди, лекин режадагидек ўйнамаган эдик.

Чап қанот орқали ҳужумлар бўлди, ўнг қанотда эса хавф деярли бўлмади. Жереми Доку ўнг қанотда жуда кучли ҳужумчи.

Райан Шерки баъзида Доннаруммага жуда яқин ўйнади. Бундай истеъдодни ҳужумнинг охирги қисмида ишлатиш керак, яъни Холанд ва қанот ўйинчилари яқинида. Биз унга тўп етказиб берамиз.

У жуда ёш ва АПЛда биринчи мавсумини ўтказмоқда. У аллақачон иқтидорини намойиш этиб бўлган, лекин янада яхшироқ бўлишни истайди.

Чемпионлар лигасисиз биз сергакроқмиз. Ҳамма ўз вазифасини билади. Охирги уч ўйинда Чемпионлар лигасида қатнашадиган даражадаги жамоаларга қарши ўйнадик.

Ҳар доим идеал бўлмасак-да, ишончли ҳаракат қилдик ва ўзимиз хавф яратдик, - деди Хосеп Гвардиола.

Ҳозирда “Манчестер Сити” 64 очко билан 2-ўринда бормоқда. Жамоа иккита ўйин кам ўтказган ҳолда пешқадам “Арсенал”дан олти очкога ортда қоляпти.