Gvardiola kelasi mavsum qaysi jamoada ishlashini aytdi

“Manchester Siti” bosh murabbiyi Xosep Gvardiola kelasi mavsumga mo‘ljallangan rejasi haqida gapirdi.

- Mening klub bilan shartnomam bor va shu erda bo‘lishni istayman. Rejam kelasi mavsum ham shu jamoada ishlashdan iborat, - dedi Xosep Gvardiola.

Ispaniyalik mutaxassis “shaharliklar”ni 2016 yildan beri shug‘ullantirib kelmoqda. Uning amaldagi shartnomasi bir yildan keyin yakunlanadi.

Xosep Gvardiolaning bosh murabbiyligidagi davr jamoa uchun klub tarixida eng muvaffaqiyatlisi hisoblanadi.

Tajribali mutaxassis bungacha “Barselona” va “Bavariya” kabi qudratli jamoalar bilan ham qator yutuqlarni qo‘lga kiritgan.