Гвардиола "Наполи"га қарши ўйин ва келаётган "Арсенал"га қарши баҳс ҳақида гапирди

"Манчестер Сити" бош мураббийи Хосеп Гвардиола Чемпионлар лигаси 1-турида "Наполи" устидан қозонилган ғалабани ижобий баҳолади.

"Чемпионлар лигасида мавсумга аъло старт бердик.

Ҳа. Биз узоқ вақт кўпчилик бўлиб ўйнадик. Италия жамоалари ҳимояда ажойиб ҳаракат қилишади. Чемпионлар лигасида уларга қарши кўп марта тўқнаш келганман. Улар мустаҳкам, диққатли… Уларга ҳавас қиламан.

Жуда хурсандман. Бу оғир ҳафта бўлди, якшанба куни эса бизга "Арсенал"га қарши жуда қийин ўйин кутмоқда. Бироқ, биз унга яхши кайфият билан етиб борамиз", – деди Гвардиола TNT Sports'га берган интервьюсида.

Маълумот ўрнида, Хосеп Гвардиола бошчилигидаги "шаҳарликлар" навбатдаги учрашувини 21 сентябрь куни "Арсенал"га қарши ўтказади.