Гвардиола "Наполи"га қарши учрашувдан сўнг қанот ҳимоячисини алоҳида эътироф этди

"Манчестер Сити" бош мураббийи Хосеп Гвардиола Чемпионлар лигасида "Наполи"га қарши (2:0) баҳсда Нико Ў’Райлининг ўйинини алоҳида таъкидлади. 20 ёшли футболчи асосий таркибда майдонга тушиб, ўзининг асосий позицияси бўлмаган чап қанот ҳимоячиси сифатида тўлиқ ўйин ўтказди. 

"Ў’Райли – энг юқори даражадаги футболчи. У уч-тўртта позицияда ҳаракат қила олади. Стандартларда, бирга-бирда яхши, тўп билан жуда зўр ишлайди. Умид қиламан, бу ерда узоқ йиллар тўп суришни давом эттиради", – дея таъриф бериб ўтди испаниялик мутахассис.

Нико Ў’Райлининг "шаҳарликлар" билан шартномаси 2028 йилнинг ўрталаригача амал қилади.