Гвардиола УЕФА Суперкубогидаги ғалабадан сўнг АПЛга "раҳмат" айтди

"Манчестер Сити" бош мураббийи Хосеп Гвардиола "Севилья"га қарши кечган УЕФА Суперкубогида ғалабадан сўнг (асосий вақтда 1:1, пеналтилар бўйича 5:4) АПЛни танқид қилди.

“Эртага биз бугунгидан ҳам бахтлироқ бўламиз. Бироқ, бизга бир томчи ҳам спиртли ичимликлар рухсат этилмайди. Биз имкон қадар тезроқ тикланишимиз керак. Ўйинимизни якшанба ёки душанба куни эмас, шанба куни ўтказгани учун Премьер-лигага катта раҳмат. Катта раҳмат", — дея испаниялик мутахассиснинг сўзларидан иқтибос келтиради Manchester Evening News..

Эслатиб ўтамиз, 19 август куни “Манчестер Сити” АПЛ доирасида “Ньюкасл”га қарши баҳс олиб боради. Учрашув Манчестер шаҳридаги “Этиҳад” стадионида бўлиб ўтади. Ўйин Тошкент вақти билан соат 00:00да бошланади.