Гвардиола янги мавсумда нима қилмоқчи?

“Манчестер Сити” бош мураббийи Анлия Премьер-лигасининг янги мавсумида жамоасидан нималар кутаётгани ҳақида ўз фикр-мулоҳазаларида айтиб ўтди.

“Шаҳарликлар” кетма-кет тўрт йиллик чемпионликдан кейин ўтган мавсум бош совринни “Ливерпуль”га бой берган ва учинчи ўрин билан кифояланган эди.

- Кутаётганим фақат бир нарса – илк учрашувларда зафар қучиб, жамоанинг ўзига ишончини уйғотиш ва олдинга интилишни таъминлаш учун бор имкониятни ишга солишдан иборат.

Ҳар бир мавсум нимаси биландир аввалгиларига ўхшаб кетади. Чунки ўзимиз ҳам 10 йил олдин бошлаган ишларимизни давом эттираётган бўламиз.

Табиийки, биз янги мавсумда ўтган галгисидан кўпроқ нарсаларга эришишни мақсад қилганмиз. Лекин одатда, чемпионатдан аввал нималарга эришишимиз мумкинлигини тасаввур ҳам қила олмаймиз, - деди Хосеп Гвардиола.

“Манчестер Сити” Англия Премьер-лигасининг янги мавсумидаги биринчи учрашувини 16 август куни сафарда “Вулверхэмптон”га қарши ўтказади.