Гвардиола зич тақвимдан қаттиқ норози

Пеп Гвардиола "Манчестер Сити"нинг тақвимидан норози. 

Мураббийдан Де Брюйненинг жароҳати зич тақвим туфайли вужудга келган чарчоқ туфайлими, деб сўрашди. 

"Мен бундай саволларни бермайман. Сабаби, ҳар кимнинг ўз иши ва қарори бор. Фақат бир нарсани билмоқчиман. Нима сабабдан биз доим якшанба куни эмас, шанба куни ўйнаймиз. 

Мен футболчиларга икки-уч кунлик таътил берганимда бунинг фойдасини яхши ҳис қиламан. Улар яхши кайфиятда қайтиб келишади. "Астон Вилла"га қарши қандай тайёргарлик кўриш керак? Уч кунлик тикланиш, асосий таркиб ва биз яна футбол ўйнаймиз", - деди Гвардиола. 

Қайд этиш лозим, "Манчестер Сити" - "Астон Вилла" баҳси 4 апрель куни бўлиб ўтади.