Гвардиолага керак бўлмай қолган юлдуз ўз ватанига қайтиши мумкин

Германиялик ярим ҳимоячи Илкай Гюндоган "Манчестер Сити"ни жорий трансферлар ойнасида тарк этиши мумкин.

"Fotbollskanalen.se" нашри хабарига кўра, 34 ёшли футболчида Германия чемпионатида ўйнаш имконияти мавжуд. Гюндоган фаолиятини Эрик тен Хаг бошчилигидаги "Байер Леверкузен" клубида давом эттириши мумкин. Илкайнинг "шаҳарликлар" билан амалдаги меҳнат шартномаси келаси йилнинг ёзида ўз ниҳоясига етади.

Аввалроқ, "Манчестер Сити" бош мураббийи Хосеп Гвардиолага 34 ёшли футболчининг майдонда кераги йўқлиги маълум бўлганди.

Гюндоганнинг "Трансфермаркт" порталидаги нархи беш миллион еврога баҳоланмоқда.