Ҳабибни ўйлантириб қўйган Роналду ва руҳлантирган Ибраҳимович

SPORTS.uz таниқли UFC жангчиси – Ҳабиб Нурмагомедов ва Криштиану Роналдунинг дўстлиги ҳақида фикр юритади.

«Мен учун Криштиану барча замонлардаги энг яхши футболчи. Бу инсон 2004 йилдаёқ Европа чемпионатининг финалига қадар етиб борган. Афсуски, у грекларга финални бой берган. Айнан ўша йилдан бери у дунёнинг энг кучли футболчилари рўйхатидан тушиб кетгани йўқ. 17 йилдан бери у тўпурарлар рўйхатини бошқариб келмоқда. Бундай даражага эришиш учун шунчаки фантастик спортчи бўлиш талаб этилади!», - деб Ҳабиб Нурмагомедов Роналдуга таъриф беради. UFCдаги енгилмас жангчи Криш билан яхши алоқалар ўрнатганини бир неча бор таъкидлаб ўтган.

otrkhorkthokrtrktkj

Улар 2016 йилда танишган. UFCнинг собиқ чемпиони футбол учрашувларини томоша қилиш учун кўп вақт ажратади. Ҳатто, сўнгги пайтларда унинг рус клубларидан бирида футболчилик фаолиятини бошлаши ҳақида миш-мишлар ҳам пайдо бўлди. У нафақат ўйинни томоша қилиш, балки у ҳақида фикр билдиришни ҳам ҳуш кўради.

«Футбол UFCдан яхшироқ. Унда рақибга зарба бериш ёки суякларини синдиришинг керак эмас. Бу ерда рақибни бўғишга шарт эмас. ММА ва UFCни авваллари томоша қилар  эдим, бироқ ҳозир қизиқиш деярли йўқ. Футбол эса, ўзининг жозибаси билан мени мафтун этишда давом этмоқда. Бу ерда, майдонга чиқасан ва ўз профессионал ҳаракатларинг билан қолганларга завқ улашасан. Бир қарашда осон, аммо футбол жуда ҳам мураккаб спорт тури».

Аслида, Ҳабиб бир неча йиллар аввалроқ Роналду билан дўстлашган. Улар ижтимоий тармоқларда сўзлашиб турган бўлсада, фақат 2018 йилга келибгина учрашишга муваффақ бўлди. 10 февраль санасида Ҳабиб Мадридга учиб келди ва севимли жамоасининг ўйинларини томоша қилди.

Ўйиндан сўнг, улар учрашишди. Роналду ўз футболкасини Ҳабибга совға қилган бўлса, Кришга Нурмагомедовнинг машҳур бош кийими насиб этди. Учрашув Мадриднинг таниқли ресторанларидан бирида давом эттирилди.

Орадан вақт ўтгач, россиялик жангчи португалиялик юлдуз билан қайси мавзуларда суҳбат қурганини ошкор қилди.

“Мен «Реал»нинг эски мухлисларидан бириман. Шунингдек, Роналду билан ҳам яхши муносабатдаман. У билан Мадридда учрашдик. Суҳбатимиз давомида унинг айтган сўзлари мени ҳайрон қолдирди. Айниқса, Месси борасида билдирган фикри эътиборга молик. Унинг айтишича, агар Лео бўлмаганида, у ҳеч қачон ҳозирги даражасига чиқмаган бўлар экан. Соғлом рақобатсиз ҳеч қаерда ўсиш бўлмайди. Кришнинг сўзларида жон бор. Улар бу борада 15 йилдан бери бир-бирини тўлдириб келмоқда.”

Ҳабибни ўйлантириб қўйган воқеа

Яқиндагина Ҳабиб Роналду билан бўлиб ўтган суҳбатдан бир парчасини ошкор қилди. Нурмагомедов Роналдунинг сўзларидан сўнг, ўйланиб қолганини яшириб ўтиргани йўқ.

gkerokohkeokheh

«У билан суҳбатимиз давомида, мотивацияни қаердан келиши ҳақида мавзу очилди. Криштиану ўғли ўзидан ўтиб кетишидан умидвор, аммо буни амалга ошишига шубҳа билан боқмоқда. У ўғли бу ишни уддалай олмаслигидан хавотирда. Гап шундаки, Криш ўғлининг ёшида сифатли бутсага эга бўлишни орзу қилар эди. Унинг ўғлида эса,барча нарса мавжуд. Очлик инсонни олдинга қадам ташлашга мажбур қилади. Қийинчилик, камчилик, етишмовчилик, орзулар инсонни ўз ҳаётини бошқа томонга буриб юборишга мажбур қиладиган куч. Катта ишларга қўл урмоқчи бўлган инсонларга мотивация жуда ҳам муҳим. Тўғриси, унинг сўзларидан сўнг ўйланиб қолдим. Ўз ўғлининг келажаги учун қайғураётган Роналду ҳеч қачон бирор бир совриндан сўнг курашдан чиқмаслиги аниқ. У ҳозирнинг ўзида футбол тарихида энг кўп гол киритган футболчига айланиб бўлди. Олдиндаги 2-3 мавсум ичида, у гол киритишдан тўхтаб қолмоқчи эмас. Бу унда чинакам жангчилар характерининг бор эканлигидан далолат».

Умуман олганда, Ҳабибнинг футболчилар билан алоқалари яхши. Роналдудан ташқари, қаҳрамонимиз Златан Ибраҳимович билан ҳам дўстона алоқада. Қаҳрамонимиз ўзининг Дастин Порьега қарши жангидан аввал юборган овозли хабарини "KraSava"  "YouTube" каналига қўйиб берган эди.

Златан муҳим жанг олдидан, Ҳабибни руҳлантиришга уринган. Қаҳрамонимиз ушбу овозли хабарни ўзи эшитган энг руҳлантирувчи нома деб ҳисоблайди.

ljptypktylpkltplk

«Ака, яхшимисан? Ҳаммаси жойидами? Мен ўйиндан сўнг, жуда ҳам чарчадим, бироқ тажриба менга қўл келмоқда. Инсонлар мен қандай меҳнат қилаётганимни кўрмайди. Улар фақатгина менинг ўйинларимни томоша қилади ва барчаси қўл остимда эканлигидан ҳайрон қолади. Мен оғир меҳнат ўз самарасини келтиришига ишонаман. Барчаси сенинг миянгга боғлиқ! Ҳамма маълумотлар аввал ўша ерга боради. Кейин, тананинг бошқа қисмларига етиб боради. Агар ўзингни ёш ҳис қилсанг, демак ёшсан! Агар ўзингни бошқалардан кучли деб ҳисобласанг, демак сен энг зўрисан! Энди ҳаммасини ҳаётда исботлаш қолди холос!

Агар ўз соҳангда биринчи рақамли бўлсанг, атрофингдагилар сен ҳақингда ёмон сўзлар айтишни бошлайди. Улар сенга ҳасад қилади ва асабингга тегишга уринади. Ҳеч нарса самарасиз кетмайди. Меҳнат доимо якунда ғолиб чиқади. Худди сен каби меҳнат қилганлар, йўлидан чиққан барчани янчиб ташлайди. Сен яратган берган иқтидор учун эмас, балки оғир меҳнатдан қочмаганинг учун ҳам барчани мағлуб этяпсан. Сен Ҳабиб Нурмагомедовсан! Шунинг учун ҳам ҳеч бир рақиб сенинг олдингда бошини тик кўтара олмайди!» 24 октябрь санасида Ҳабиб Дастин Порьени муддатидан аввал мағлубиятга  учратди. Жангдан сўнг, қаҳрамонимиз «Милан» ҳужумчисига ўз миннатдорчилигини билдирди.

Матнда хатолик топсангиз, ўша хатони белгилаб, бизга жўнатинг (Ctrl + Enter)