Ҳамюртларимиз Жанубий Кореяда ринга кўтарилади

29 июнь куни Жанубий Кореянинг Сеул шаҳрида катта бокс оқшоми бўлиб ўтади. Мазкур кечанинг марказий жанги қизлар ўртасида яъни мезбон Хун Ми Чой япониялик Вакако Фуживара ўртасида бўлиб ўтади. Ушбу жанг WBA жаҳон чемпионлик камари учун кечади. Мазкур бокс кечасининг биз учун аҳамиятли жиҳати шундаки, унда икки нафар ҳамюртимиз ҳам ринга кўтарилади. Жумладан, аввал хабар бериб ўтганимиздек, “Cocky Buffalo” промоутерлик компанияси таркибида ҳаракат қилаётган ёш истеъдодли мураббий Бобур Нажмиддинов шогирди Абдурасул Исмоилов мезбон Кунг Вангга қарши жанг олиб борса, яна бир ҳамюртимиз тажрибали Зуфар Сулаймонов қўл остида машғулотлар олиб борадиган Шоҳрух Ашуров(2-1-1-0) россиялик Михаил Лесниковга (6-3-3-0) қарши ринга кўтарилади.

Эслатиб ўтамиз: Ҳамюртларимиз иштирокидаги ҳар икки жанг ҳам олти раунддан иборат бўлади.