Here we go! Гарначо "Челси" футболчиси

Алехандро Гарначо "Манчестер Юнайтед"дан "Челси"га кўчиб ўтмоқда. Бу ҳақида Фабрицио Романо хабар берди. 

Инсайдернинг сўзларига кўра, футболчининг трансфери борасида томонлар келишувга эришиб бўлди. "Аристократлар" аргентиналик вингернинг хариди учун умумий 40 миллион евро сарфламоқда. Гарначо тез орада тиббий кўрикдан ўтиш учун Лондонга етиб боради ва шундан кейин шартнома имзоланади. 

21 ёшли Алехандро "Манчестер Юнайтед" таркибида 144 та ўйинда майдонга тушиб, 26 марта рақиблари дарвозасини ишғол қилди ва 23 та ассист амалга оширди.