Here we go! Нету "Челси" футболчиси

"Челси" трансферлар ойнасида жуда ҳам актив бўлмоқда. Жамоанинг кейинги трансфери "Вулверхэмтон" аъзоси Педро Нету бўлади. 

Фабрицио Романо хабар беришича, томонлар келишувга эришди. Португалиялик вингер учун "аристократлар" "бўрилар"га 60 миллион фунт тўлайди. Футболчи билан эса 2030 йилгача амал қиладиган шартнома имзоланади. 

Нету 2019 йилдан бери "Вулверхэмптон" таркибида тўп тепиб келади. У сўнгги мавсумида жамоаси сафида 24 та ўйинда майдонга тушиб, 3 та гол урди ва 11 та ассист амалга оширди. 

Маълумот учун, 24 ёшли вингернинг трансфер нархи 55 миллион еврога тенгдир.