Ҳожимат Эркинов Ўзбекистон терма жамоасидан чақирув олди

Москванинг "Торпедо" клуби футболчиси Ўзбекистон терма жамоасининг ноябрь ойидаги йиғинидан чақирув олди. Бу ҳақда клуб матбуот хизмати хабар берди. 

Ўзбекистон терма жамоаси ушбу йиғин доирасида Қозоғистонга қарши ўртоқлик учрашуви ўтказади. Ушбу ўйин 16 ноябрь куни Тошкентдаги "Пахтакор" стадионида бўлиб ўтиши белгиланган. 

Маълумот ўрнида, "Торпедо" айни пайт Россия Премьер лигасида сўнгги ўринни эгаллаб турибди. Москваликлар 15 учрашувдан кейин турнир жадвалининг сўнгги поғонасидан жой олган.