Ҳозир “Барса”да шу иккисидан зўри йўқ!

“Барселона”нинг собиқ ҳужумчиси Луис Суарес Ханс-Дитер Флик бошқараётган ҳозирги жамоанинг даражаси ҳақидаги саволларга жавоб қайтарди.

- Менга Флик қўл остида “Барселона” ёқяпти. Жамоа жуда самарадор ва юқори даражада ўйнаяпти.

Таркибда натижани таъминлаётган иккита муҳим ўйинчи бор: булар Педри ва Ламин Ямал.

Яна икки тажрибали футболчи – Рафинья ҳамда Роберт Левандовскининг ҳам ўйинга таъсири сезиларли даражада кучли. Бироқ Педри ва Ямалнинг даражаси ўзига хосдир, - деди Луис Суарес.

Уругвайлик футболчи каталонияликлар таркибида 2014-2020 йилларда тўп тепган. Суарес олти йил давомида “Барселона”да 283 та учрашувда майдонга тушиб, 195 та гол ва 113 та ассист муаллифи бўлган.