Ҳозир у энг зўр ҳужумчи

“Рома” ва Италия терма жамоасининг собиқ футболчиси Франческо Тотти  айни пайтда А Сериянинг энг зўр ҳужумчиси кимлигини айтди.

Тоттининг ўзи марказий ҳужумчи бўлмаган. Шунга қарамай, Италия чемпионатида римликлар сафида 619 та учрашувда майдонга тушиб, 250 та гол урган.

Ўйлашимча, А Сериядаги энг зўр футболчи Виктор Осимхен. У ҳар доим керак жойда пайдо бўлади. Тўпни қабул қилиб олса, албатта гол уради. Энг муҳими, жамоа учун ўзини “қурбон” қила олади.

Душан Влаховичга бироз вақт беришимиз керак. Эртами, кечми бу ҳужумчи ҳам ўзини кўрсатади, - деди Франческо Тотти.