Ҳозирнинг ўзида энг зўр уч ҳужумчи номи айтилди

Нидерландия миллий терма жамоаси ва Лондоннинг “Арсенал” клуби собиқ ҳужумчиси Деннис Бергкамп ҳозирги пайтда энг яхши форвардлар кимлар эканини айтиб ўтди.

- Ҳозир энг зўр ҳужумчилар – Эрлинг Холанд, Ҳарри Кейн ва Роберт Левандовски. Кейинги пайтда майдонда ҳамма нарсани уддалай оладиган ҳужумчилар камайиб кетди. Фақат гол уришнинг ўзи етарли эмас. Жамоавий комбинацион ўйинда ҳам самарали ҳаракат қилиш талаб этилади, - деди Бергкамп Football London нашрига.

Ўз профессионал фаолияти давомида Бергкамп Амстердамнинг “Аякс”, Миланнинг “Интер” ва Лондоннинг “Арсенал” жамоаларида муваффақиятли ўйнаган ва қатор совринларни қўлга киритган.

Машҳур ҳужумчи Нидерландия миллий терма жамоаси сафида 79 та ўйинда иштирок этиб, 37 та гол урган. Бергкамп самолётда парвоз қилишдан қўрқиши билан ҳам ном чиқарган.