Husanov “Manchester Siti”ning eng yaxshi futbolchisi bo‘lishi mumkin

“Manchester Siti” Angliya Liga kubogining chorak finalida “Brentford”ni ishonchli hisobda mag‘lub etib, keyingi bosqichga yo‘l oldi.

Uchrashuvdan so‘ng “shaharliklar” o‘yinning eng yaxshi futbolchisini aniqlash uchun nomzodlar ro‘yxatini e’lon qildi. Quvonarlisi, unda hamyurtimiz Abduqodir Husanovning ham nomi qayd etilgan.

Mazkur sovrin uchun o‘z hisobiga gol yozdirib qo‘ygan Rayan Sherki, Savino hamda himoyada ishonchli o‘yini bilan g‘alabaga hissa qo‘shgan Natan Ake va Husanov kurash olib bormoqda. G‘olib ovoz berish yo‘li orqali aniqlanadi.

Ma’lumot uchun, Gvardiola shogirdlari yarim finalda “Nyukasl”ga qarshi bahs olib boradi.