Ҳусановга оид хушхабар!
Франция чемпионатининг 13-турида “Ланс” футболчилари сафарда “Реймс” жамоаси билан куч синашади.
Лансликлар бош мураббийи Уилл Стилл бўлажак баҳсда икки етакчи ҳимоячи хизматидан фойдаланиш имконига эга бўлди. Яъни, Жонатан Градит ва Абдуқодир Ҳусановнинг дисквалификация муддати якунланди.
- Бизда ҳамон жароҳатини даволатаётган беш нафар ўйинчи бор. Булар Жимми Кабот, Уэсли Саид, Рубен Агилар, Мартин Сатриано ва Исмоил Ганиу.
Қувонарлиси, дисквалификацияси якунланган Жонатан Градит ва Абдуқодир Ҳусанов сафга қайтди, - деб хабар берди Уилл Стилл.
Таъкидлаш жоизки, чемпионатнинг 10-турида Абдуқодир Ҳусанов ПСЖга қарши учрашувда рақиб футболчиси Ашраф Ҳакимига қўпол тарзда подкат ташлагани боис, майдондан четлатилган, кейинчалик жазо чораси сифатида иккита учрашувга дисквалификация қилинган эди.
“Нант” ва “Марсель”га қарши учрашувда ўзбек футболчисининг йўқлиги билиниб қолди. Бунгача ўнта учрашувда жами еттита гол ўтказган лансликлар охирги икки беллашувда ўз дарвозасидан бешта тўп олиб чиқди.
“Ланс” фаолиятини ёритиб келаётган lensois.com портали ташкил этган сўровнома ҳам клуб мухлислари Абдуқодир Ҳусановнинг жамоага керак, деб ҳисоблаётганини кўрсатди. Ушбу манба экспертлари “Ҳусанов ва Градит “Реймс”га қарши ўйинни бошланғич таркибда бошлаши керакми?” деган саволни ўртага ташлади.
Жавоблар қуйидагича бўлди:
Ҳа, Ҳусанов ҳам, Градит ҳам ўйнаши керак: 71,24 фоиз овоз
Ҳа, Ҳусанов илк дақиқалардан ўйнасин, Градит эмас: 26,32 фоиз овоз
Ҳа, Градит илк дақиқалардан ўйнасин, Ҳусанов эмас: 1,69 фоиз овоз
Йўқ, иккиси ҳам ўйнамасин: 0,75 фоиз овоз.
“Ланс” мураббийлар штаби жамоани навбатдаги ўйинга пухта тайёрлашга ҳаракат қилаётган бир пайтда Абдуқодир Ҳусановнинг трансферига оид хабарлар тобора кўпайиб бормоқда.
Сўнгги маълумотларга қараганда, 20 ёшли ҳимоячини Франциядан “Пари Сен-Жермен” ва “Марсель”, Англиядан “Арсенал”, “Тоттенхэм” ва “Челси”, Германиядан “Байер” жиддий кузатиб боряпти. Аксарият жамоалар “Ланс”дан Ҳусанов бўйича трансфер маълумотларини сўраган ва улар январда ўйинчини олишга уриниб кўрмоқчи.
Экспертларнинг таъкидлашича, ўзбек легионери учун курашда ПСЖнинг имконияти юқори баҳоланяпти. Чунки парижликлар спорт директори Луиш Кампуш ўйинчининг агентлари ва клуб билан мулоқотга киришган.
Кутамиз, тез орада Абдуқодир Ҳусановнинг келажагига ойдинлик киритилиши керак...
Бу катта сумма, лекин Ҳусанов учун кам!
Европа суперклуби Ўзбекистон терма жамоаси ўйинчиси трансфери бўйича иш бошлади. Янгилик бўладими?
Катта пул керак: Ҳусанов “Ланс”ни қутқарадими?
Фикрлар