Hushxabar! Hamyurtimiz Bellator da navbatdagi g‘alabasini qo‘lga kiritdi

Xabaringiz bor, AQShning Konnektikut shtatida "Bellator" 232 turniri bo‘lib o‘tdi. Unda yurtdoshimiz Zarruh Adashev ham  oktagonga ko‘tarildi. Xabar berib o‘tganimizdek unga okean orti vakili Tevin Days raqiblik qildi. Quvonarlisi Zarruh kuchli raqibi ustidan g‘alaba qozonishga erishdi. U ikkinchi raundda AQShlik raqibini texnik nokautga uchratib, navbatdagi g‘alabasini nishonladi.

Eslatib o‘tamiz: Zarruh bugungi jangini qo‘shib hisoblaganda faoliyatida to‘rtinchi bor oktagonga ko‘tarildi va uchinchi g‘alabasini qo‘lga kiritdi. U bir bora mag‘lubiyatga ham uchragan.