Ибрагимовични қаерда "лўли" деб чақиришган?

Швециялик футбол юлдузи Златан Ибрагимович ҳозирги кунда ирқчиликка қарши курашиш усуллари фойдасиз эканлигини айтди.

“Ирқчилик йўқ” деб ёзилган футболкаларда юриш ва шу ёзув туширилган байроқларни ҳилпиратиш яхши, аммо фойдасиз. Футбол клубларидан очко олиб қўйилса ёки дисквалификация қилинса яхши бўлар эди. Жиддий қарорлар чиқарилмагунича одамлар ҳеч нарсани тушунишмайди. Мен Италияда ўйнаб юрган пайтларим “лўли” деб бақиришган. Бу ҳам ирқчилик. Гарчи стадион ташқарисида мен билан суратга тушишни хоҳлашсада ва мақташсада”, - дейди Ибрагимович.

Эслатиб ўтамиз, Ибрагимович 31 декабрь куни эркин агентга айланади ва у катта эҳтимол билан яна Италияга қайтиши кутилмоқда.