Igor Sergeev "Patxum Yunayted"ga ko‘chib o‘tadi, shartnoma shartlari ma’lum

Igor Sergeev Qozog‘iston Premer ligasi vakili "Tobol" bilan shartnomasini bekor qilgani haqida xabar bergandik.

SPORTS.uz saytiga ma’lum bo‘lishicha, mahoratli hujumchimiz Tailandning "Patxum Yunayted" klubi safiga borib qo‘shiladi. Tomonlar 1+1 ko‘rinishidagi bitimga imzo chekadi. Tomonlar og‘zaki kelishuvga erishgan, faqatgina hujjatlarga imzo qo‘yilsa bo‘lgani.

Ma’lumot uchun, Sergeev 2021 yilning iyul oyidan beri kostanayliklar sharafini himoya qilib kelayotgandi. 30 yoshli strayker klub libosida 66 o‘yinda maydonga tushib, o‘z hisobiga 27 gol hamda 5 assistni yozdirib qo‘ygan.

"Patxum Yunayted" Tailand chempionati yakunlangan mavsumida 41 ochko bilan 9-o‘rinni band etgandi.