Ёзда “Ювентус”дан кетиши айтилаётган ҳужумчи Гонсало Игуаинга Франция чемпионатидан таклиф бўлмоқда.

Calciomercato нашри тарқатган хабарга кўра 30 ёшли аргентиналик форвардга “Монако” клуби жиддий қизиқиш билдира бошлаган. Берилган маълумотларга қараганда монаколиклар бу борада аллақачон Турин супер клубига ўз таклифларини юборишган.

Маълумот учун, Игуаин якунланган мавсум “Ювентус” сафида жами 50та учрашувда майдонга тушган ва ўз ҳисобига 23та гол ҳамда 8та голли узатма ёздириб қўйишга эришган.

Эслатиб ўтамиз, бундан аввалроқ Игуаинга Лондоннинг “Челси” клубидан ҳам жиддий қизиқишлар бўлаётгани ҳақида хабарлар тарқалган эди.