Икарди нега "Интер"ни ПСЖга алмаштирганини айтди

ПСЖ клубининг аргентиналик форварди Мауро Икарди “Интер”дан Парижга кўчиб ўтиш бўйича қарорини изоҳлади.

“Мен учун фаолиятимда шундай катта қадам ташлаш муҳим эди. Мен 27 ёшдаман ва жуда кўп вақтимни Италияда ўтказдим.

Мен ПСЖ каби жамоага ўтиб, совринлар ютишни ва юқори даражада ўйнашни хоҳлардим. Шу боис мен фаолиятимда ўзгариш қилишни хоҳладим”, - дейди Икарди.

Икарди жорий мавсум ПСЖ сафида Франция чемпионатида 20 та ўйинда майдонга тушди ва 12 та гол ҳамда 3 та голли узатма ёздириб қўйишга эришди.