Икер Муниаин: Ажралиш вақти келди

Икер Муниаин "Атлетик"ни тарк этадиган бўлди. 

31 ёшли ярим ҳимоячи мавсум якунида басклар таркибини тарк этишини маълум қилди. У "Атлетик" тизимида 19 йилдан бери, асосий жамоада эса 15 мавсумдан бери тўп тепиб келяпти. 

"Сен - менинг ҳаётимдаги энг яхшисисан, аммо энди ажралиш вақти келди", - деди Муниаин. 

У "Атлетик" таркибида жами 557 та беллашувда майдонга тушиб, 75 та гол ва 70 та ассистни ўз ҳисобига ёздириб қўйган. Бундан ташқари, Испания кубоги ва Суперкубогини (2 марта) ҳам ютган.