Икки ҳамюртимиз бокс бўйича янги турнирда иштирок этади

Чарм қўлқоп усталаримиз - Абдумалик Халоков ва Мужибилло Турсунов WBC нинг “Riyadh season"  доирасида ўтказиладиган Гран-При турнирида иштирок этади.

Мазкур мусобақа қоидалари: жангларда тўрт вазн тоифасида 128 нафар боксчи мавжуд. Турнир ярим енгил, биринчи ярим ўрта, ўрта ва супер оғир вазн тоифасида бўлиб ўтади. 1/16 финалдан бошланажак баҳслар 6 раунддан иборат. Финал жанглари эса 8 раунд этиб белгиланган. 

Маълумот учун, турнирда 26 ёшдан кичик боксчиларгина қатнаша олади. Шунингдек улар проф боксда 10 тадан кўп жанг қилмаган  бўлиши ҳам лозим.