Икром Алибоев "Локомотив"да (ФОТО)
Ярим ҳимоячи "темирйўлчилар" машғулотларида иштирок этиб туради
"Локомотив" жамоасининг собиқ футболчиси, бугунги кунда Жанубий Кореянинг "Сеул" клуби шарафини ҳимоя қилаётган Икром Aлибоев "темирйўлчилар" машғулотида иштирок етди. Бу ҳақда клуб матбуот хизмати хабар берди.
Маълумки, Хитойда тарқалган коронавирус сабаб кўп жойларда футбол ўйинлари ўтказилмаяпти. 29 февраль куни бошланиши кутилган Жанубий Корея чемпионати ҳам номаълум муддатга қолдирилган.
"Сеул" бугун Осиё чемпионлар лигасининг 3-тур баҳсини ўтказиши лозим эди, лекин коронавирус сабаб учрашув бошқа кунга қолдирилди. Натижада Алибоев клуб раҳбариятидан рухсат сўраб Ўзбекистонга келди. У ўз спорт формасини ушлаб туриш мақсадида "Локомотив" жамоасининг бугунги машғулотида иштирок этди.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар