Икром Алибоевнинг голи ОЧЛ тарихидаги энг чиройли гол бўлиши мумкин, агар...

Айни дамда Осиё футбол конфедерацияси Осиё чемпионлар лигаси тарихидаги энг чиройли голни аниқлаш бўйича ўз сайтида сўровнома ўтказмоқда.

 

Ушбу сўровномада ўзбекистонлик Икром Алибоевнинг "Локомотив" таркибида "Ал-Ваҳда" дарвозасига киритган голи ярим финалга чиқиб, ушбу босқичда Сауд Ҳарирининг "Ал-Иттиҳод" - "Ал-Ваҳда" ўйинида киритган голи билан беллашаётганди. Ҳамюртимизнинг голи рақибига қараганда кўпроқ овоз тўплаб, финалга йўл олди. Эндиликда Алибоевнинг голи мухлислар ўртасида ўтказилаётган "ОЧЛ тарихидаги энг чиройли гол" номинациясида ғалаба қозониш учун эронлик Андраник Теймурян билан баҳслашади.

Айни дамда ҳамюртимиз овоз бериш жараёнида ортда қолмоқда. Алибоевни қўллаб-қувватлаш учун қуйидаги ҲАВОЛА орқали унинг голига овоз беришингиз мумкин. Бизнинг овозимиз якунда ОЧЛ тарихидаги энг чиройли гол ўзбекистонлик футболчига тегишли бўлишини таъминлаши мумкин.