Илҳом Ҳамроев: "Мақсадимиз ўзгармаган, бу сафар ҳам фақат чемпионлик учун курашамиз"

Эртадан бошлаб футзал бўйича мамлакат кубоги баҳслари бошланади. Дастлабки учрашувларга Фарғонадаги "Само" спорт мажмуаси мезбонлик қилади. 

Ўзбекистон кубоги беллашувлари стартидан аввал тажрибали футзалчи, "Оил Стар" жамоаси аъзоси Илҳом Ҳамроев ўз фикрларини билдирди. 

Ўзбекистон кубогига тайёргарлик ва жамоа олдига қўйилган вазифа ҳақида 

Кубок баҳсларига Бухорода тайёргарлик кўрдик. Барчаси кўнгилдагидек ўтди. Жамоамизнинг мақсади ўзгармаган, бу сафар ҳам фақат чемпионлик учун баҳс олиб борамиз. 

Гуруҳдаги рақиблар ҳақида... 

Гуруҳимизга яхши жамоалар тўпланди. Уларнинг кучини яхши биламиз. Ҳар қандай рақибни ҳурмат қиламиз, лекин майдонга ғалабани учун чиқамиз. 

Кубокнинг янги формати ҳақида... 

Шахсан менга бу формат жуда маъқул. Ўйинлар сони кўпроқ бўлиши спортчиларнинг ўйин амалиётига эга бўлиши ва тажриба орттиришига хизмат қилади. Қолаверса мухлисларга ҳам ўйин кўп бўлиши ёқади.