Иман Хелиф IBA ни судга бермоқчи

Бокс бўйича аёллар ўртасидаги 2024 йилги Олимпиада ғолиби жазоирлик Иман Хелиф россиялик Умар Кремлёв бошчилигидаги Халқаро бокс ассоциациясини (IBA) судга беришини маълум қилди.

“Мен билан алоқаси йўқ бўлган ва Халқаро Олимпия қўмитаси томонидан тан олинмаган Халқаро бокс ассоциацияси ўз манфаатларини кўзлаб, ёлғон ва тажовузкор айбловларни яна илгари сурди. Гап фақат менда эмас, спортдаги адолатда. Менинг жамоам вазиятни синчиклаб ўрганиб, ҳуқуқларим ва ҳалол рақобат тамойилларини ҳимоя қилиш учун барча зарур қонуний чораларни кўрмоқда. Айбдорлар жавобгарликка тортилиши керак. Биз адолат қарор топиши учун барча мумкин бўлган қонуний воситалардан фойдаланамиз” — деб ёзди Хелиф ижтимоий тармоқда.

Эслатиб  ўтамиз, Иман Хелиф Олимпиадада жуда катта муҳокамаларга сабаб бўлган эди.