"Интер" бош мураббийи нега Миланни таркибдан четлатгани ҳақида гапирди

"Интер" бош мураббийи Симоне Индзаги ҳимоячи Милан Шкриньярнинг ҳолати ҳақида гапирди.

Бунгача жамоада муҳим роль ўйнаган марказий ҳимоячи Италия кубоги чорак финалида “Аталанта”га (1:0) қарши ўйинда қайдномага киритилмади. Маълум бўлишича, словакиялик футболчи қишки трансферлар ойнаси ёпилиши арафасида ПСЖга ўтиши кутилаётган эди. Аммо “нерадзуррилар” унинг ўрнига муносиб номзод тополмагач, Милан шартномаси якунига қадар, яъни 30 июнгача “Интер”да қоладиган бўлди.

“Мен Шкриньярни вақтинчалик таркибдан четлаштиришга қарор қилдим, аммо бизда у билан ҳеч қандай муаммо йўқ. У 30 июнгача "Интер" футболчиси бўлиб қолади, машғулотларда бор кучини беради, чунки у профессионал. У кейинги ўйинларда майдонга тушадими? Вазиятга қараб ўйин олдидан қарор қабул қиламан”, - деди Индзаги Sportmediaset нашрига берган интервюсида.