“Интер” ҳимоячисини 60 млн еврога сотишдан бош тортди

“Интер” жамоаси раҳбарияти ҳимоячи Милан Шкриньярни “Манчестер Сити” ва “Манчестер Юнайтед” клубларига сотишдан бош тортди. Бу ҳақда beIN Sports журналисти Танкреди Палмери хабар берди.

Маълум бўлишича, ҳар икки Манчестер клуби словакиялик футболчининг трансфери учун 60 миллион евро тўлашга тайёр эди, аммо “нерадзурри” бу таклифларни рад этди.

Жорий мавсумда Шкриньяр А Сериянинг барча 38 ўйинида асосий таркибда майдонга тушиб, 4 та голга муаллифлик қилди. “Интер” мавсум якунида 4-ўринни эгаллади ва келаси мавсумда ЕЧЛда ўйнаш ҳуқуқини қўлга киритди.