"Интер" Лукакуни олиб қолишга ҳаракат қилмоқда

Якунига етган мавсумни "Интер"да ўтказган Ромелу Лукакунинг ижара муддати ўз ниҳоясига етди. У 30-июнь куни "Челси"га қайтиши керак, лекин ҳужумчи "аристократлар" сафига бориб қўшилишни истамайди. 

"The Telegraph" нашри хабар беришича, миланликлар Лукакуни яна бир йилга ижарага олмоқчи. Клуб тез орада "Челси"га расмий таклиф юборади. Битимга "Интер" уни тўлиқ сотиб олиш шартини ҳам қўшмоқчи. 

Миш-мишларга қараганда, "Челси" айни дам янги страйкер қидирмоқда. Вариантлар орасида Лаутаро Мартинес, Виктор Осимхен ва Душан Влахович каби футболчилар бор.