"Inter" "Manchester Siti" xaridor bo‘layotgan futbolchisining narxini e’lon qildi

"Inter" klubi himoyachisi Milan Shkrinyar faoliyatini Angliya premer-ligasida davom ettirishi mumkin. Bu haqda Manchester Evening News nashri xabar bermoqda.

Yuqoridagi manbaga ko‘ra, 25 yoshli slovakiyalik futbolchiga “Manchester Siti” jiddiy xaridor bo‘lmoqda. "Neradzurrilar" esa “shaharliklar”ga ushbu futbolchi 80 million evrodan kamiga sotilmasligini ma’lum qilgan.

Milanga shuningdek "Barselona" va "Real"dan ham qiziqishlar mavjud.

Shkrinyar joriy mavsum “Inter” safida 32 ta o‘yinda maydonga tushdi va jamoasining 1 ta goliga assistentlik qilishga erishdi.