“Интер” “Реал” қизиқаётган футболчини илиб кетмоқчи

Миланнинг "Интер" клуби "Комо" ҳужумкор ярим ҳимоячиси Николас Пасга даъвогарлик қилмоқда.

Кўплаб миш-мишларга кўра, 21 ёшли футболчи жорий мавсум якунлангач, "Реал"га қайтиши керак. Шу билан бирга, Topskills Sports УК хабарига кўра, аргентиналик футболчига яна бир даъвогар бор - "Интер": "нерадзуррилар" скаутлари "Комо" етакчисининг ўйинларини фаол кузатиб бормоқда ва уни қўлга киритиш умидларини йўқотмаяпти. Милан гранди учун ёш юлдузнинг нархи деярли 100 миллион еврога тушиши жиддий муаммо бўлади.

Эслатиб ўтамиз, "Реал" биринчи навбатда сотиб олиш ҳуқуқи туфайли ўз тарбияланувчисини бозор нархидан анча арзонроққа атиги 9 млн еврога қўлга киритиши мумкин. Transfermarkt портали Паснинг нархини 65 млн еврога баҳоламоқда.