"Интер" Шкриньярни қанчага сотиши маълум бўлди
Миланнинг “Интер” клуби раҳбарияти жамоа ҳимоячиси Милан Шкриньярни таркибда сақлаб қолишни режалаштирмоқда.
Football Italia нашри тарқатган хабарга кўра “нерадзуррилар” 23 ёшли словакиялик футболчини сотмоқчи эмас ва шу боис ҳам улар футболчи учун ўта юқори нарх белгилашган. Аниқроғи, “Интер” Шкриньяр борасидаги 80 млн евродан юқори бўлган таклифларни кўриб чиқади. Айтиш лозимки, ушбу футболчи бир қатор инглиз клубларининг қизиқишлар доирасига кириб қолган.
Маълумот учун, Шкриньяр жорий мавсум А Серияда жами 26та учрашувда иштирок этган ва ҳимоячи бўлишига қарамай рақиблари дарвозасига 4та гол уришга эришган.
Фикрлар