"Интер" Шкриньярнинг трансфери бўйича "Тоттенхэм"нинг таклифини рад этди

Лондоннинг "Тоттенхэм" клуби "Интер" ҳимоячиси Милан Шкриньярни сотиб олишга уринмоқда.

The Guardian нашри тарқатган хабарга кўра, "шпорлар" словакиялик футболчи учун 35 миллион евродан кўп тўлай олмайди. “Нерадзуррилар”ни эса, бу таклиф қаноатлантирмаяпти. Улар Шкриньяр учун 60 млн евро ёки 50 млн евро ва бонуслар сўрамоқда.

25 ёшли Шкриньяр “Интер” сафида 2017 йилдан буён тўп суриб келмоқда. У ўтган давр мобайнида жами 128 та ўйинда майдонга тушди ва 4 та гол ҳамда 4 та голли узатмага муаллифлик қилди.