«Интер» ва яна бир қатор клублар аргентиналик футболчига қизиқмоқда
«Интер» ва яна бир қатор клублар аргентиналик футболчига қизиқмоқда
«Атлетико Паранаэнсе» сафида тўп тепаётган аргентиналик ҳимоячи Лукас Эскивель Европа клублари эътиборига тушди. Бу ҳақда инсайдер Экрем Конур хабар берди.
Журналист маълумотига кўра, 24 ёшли футболчининг ўйинларини миланлик «Интер», «Лацио», «Штутгарт», «Айнтрахт» ҳамда Англия Премьер-лигаси вакиллари кузатиб бормоқда.
Эскивель жорий мавсумда 23 та учрашувда майдонга тушиб, 3 та гол ва 5 та голли узатма амалга оширди.
Аргентиналик футболчининг «Атлетико Паранаэнсе» билан амалдаги шартномаси 2029 йил июнь ойи охирига қадар мўлжалланган. Transfermarkt портали мутахассислари унинг трансфер қийматини 8 миллион еврога баҳоламоқда.
Фикрлар