"Интер"да 2 та жиддий йўқотиш бор. А Сериянинг навбатдаги учрашувида Конте жамоани майдонга олиб чиқмайди

Италия А Серияси тартиб-интизом қўмитаси чемпионатнинг сўнгги ўйинларида юз берган ҳолатлар бўйича ўз қарорларини эълон қилди.

Унга кўра, “Сассуоло”га қарши ўйинда иккита сариқ карточка билан майдонни тарк этган ва ҳакамга эътироз билдиргани учун “Интер” ҳимоячиси Милан Шкриньяр 3 та ўйинга дисквалификация қилинди. Словакиялик футболчига 10 минг евро миқдорида жарима ҳам қўлланилди.

Бундан ташқари, “Интер” бош мураббийи Антонио Конте “Сассуоло”га қарши ўйинда ўзининг мавсумдаги 5-сариқ карточкасини олди. Шу сабабли энди у “Парма”га қарши беллашувда иштирок этолмайди.