Ишсиз қолган топ мураббийлар. Топ-5

"Реал" Зинеддин Зиданни ортга қайтарди. Клуб Соларининг ишдан олганидан сўнг , қатор мутахассислар билан музокара ўтказаётганлиги борасида маълумотлар бераётганди. Якунда эса Зидан яна мадридликлар билан келишувга эришди. Қуйида эса айни вақтда ишсиз қолиб кетаётган мутахассислар борасида сўз юритамиз.

Жозе Моуриньо

Португалиялик мутахассис ўтган йилнинг декабрь ойларида "Манчестер Юнайтед"ни тарк этди. Унинг "қизил иблислар" билан саргузаштлари узоқ давом этгани йўқ. Охирги йилларда португалиялик мутахассисдан қандайдир омад қочгандек. Унинг жамоалари совринга эга чиқиш жараёнида омадсизликлар гирдобида қолиб кетмоқда. Моуриньонинг ўзи ёзда янги жамоага эга чиқишини маълум қилмоқда. Кўрамиз, унинг навбатдаги жамоаси ким бўларкин?

Лоран Блан

блан

ПСЖдан кетганидан бери Блан бирорта клубда фаолият кўрсатаётгани йўқ. 2016 йилдан бери франция футболининг афсонаси ишсиз қолиб кетмоқда. Аммо, яқинда берилган маълумотларга кўра, мутахассис "Лион" ёки "Монако"да иш бошлашга яқин турибди. Бу хабарларга қанчалик ҳақиқатга яқин эканини вақт кўрсатади.

Антонио Конте

антонио

"Челси" билан ҳалигача қатор можаролар остида қолиб кетаётган мутахассис ҳам анча вақтдан буён ишсиз қолиб кетмоқда. Конте яхши мураббий, кучли мутахассис. "Челси"ни АПЛда чемпион бўлишини таъминлай олди. Лекин, Диего Костани жамоадан кетишига асосий сабабчи бўлган шахс сифатида испан матбуоти у борасида ёзишдан чарчашмаяпти. Конте тез орада бирорта топ клубда фаолиятини бошлаши кутилмоқда.

Арсен Венгер

венгер

Бу мутахассисни "Арсенал"дан кетганидан бери, ишсиз юрибди. Аввалроқ Венгер бироз муддат дам олмоқчи эканини айтиб ўтганди. Франциялик мутахассиснинг дам олиш вақтлари чўзилмоқда. Унга ПСЖдан таклиф тушди. Афсуски, у парижликар таклифи бўйича узоқ вақт музокара қилгани йўқ. Боз устига унга Япония терма жамоаси ва клубларидан ҳам чақирув бўлган эди.

Андре Виллаш-Боаш

конте

Мураббийлик касби қанчалик шафқатсиз эканини тушуниб етган ёш мутахассис айнан Виллаш-Боаш бўлади. Бир қарашда, унинг келажаги ҳали олдинда дейиш мумкин. Бироқ португалиялик мураббийнинг охирги вақтлардаги омадсизликлари ҳаммасидан ошиб тушди. Кетма-кет жамоа алмаштириш, омадсиз ўйинлар, совринсиз ўтказган дамлар оқибатида Виллаш-Боаш Хитойдан таклиф тушди. У бир муддат ҳамюртимиз Одил Аҳмедов билан биргаликда "Шанхай СИПГ"да фаолият кўрсатди. Афсуски, у ерда ҳам ишлар яхши кўринишга келмаганидан сўнг, Виллаш 2017 йилдан бери ишсиз юрибди.

Фикрлар

Фикр қолдириш учун авторизациядан ўтинг!