Иско Шомуродов билан жамоадош бўлиши мумкин

"Севилья" собиқ ярим ҳимоячиси Иско "Лацио" ва "Рома"нинг нишонига тушди. "La Gazzetta dello Sport" хабарига кўра, Римнинг ҳар иккала клуби ҳам 30 ёшли футболчини сотиб олишга тайёр.

Искога шунингдек, "Салернитана" ҳамда "Лос-Анжелес Гэлакси" клублари ҳам қизиқиш билдирмоқда. 21 декабрь куни испаниялик футболчи "Севилья" билан шартномасини бекор қилган эди.

Маълумот учун, Иско андалусияликлар сафида барча мусобақалар доирасида 19 та ўйинда майдонга тушиб, 1 та гол урди ва 3 голга ассистентлик қилган.