Испания жаҳон чемпионатлари рекордини ўрнатди

Испания терма жамоаси қўшимча дақиқаларда Аргентина миллий жамоасини 1:0 ҳисобида мағлуб этиб, 2026 йилги жаҳон чемпиони унвонини қўлга киритди. 

Шу тариқа, испанлар XXI аср жаҳон чемпионатлари тарихида янги рекорд ўрнатишди.

Шунингдек, Испания бу асрда жаҳон чемпионатида икки марта ғолиб чиққан ягона терма жамоа бўлди. 

«Фурия Роха» илк бор 2010 йилда жаҳон чемпиони бўлган эди. Шу пайтгача XXI асрда Бразилия (2002), Италия (2006), Германия (2014), Франция (2018) ва Аргентина (2022) терма жамоалари бир марталик чемпионликка эришган.

2026 йилги мундиал финалида ягона гол учрашувнинг 106-дақиқасида Ферран Торрес томонидан Аргентина дарвозасига йўлланди.

 Аргентина терма жамоаси амалдаги жаҳон чемпиони мақомини топшириб, мусобақани кумуш медаллар билан якунлади.