Испанияда Родрининг «Барселона»га ўтишига баҳо берилди
Журналист Ферран Корреас Родрини «Барселона» таркибидаги энг муҳим янги футболчилардан бири, ўйин назоратини таъминлаётган ярим ҳимоячи деб баҳолади.
Испаниялик журналист Ферран Корреас «Барселона» ярим ҳимоячиси Родрининг трансферига баҳо берди. Унинг фикрича, Родри каталонияликлар таркибидаги энг муҳим янги футболчилардан бирига айланмоқда.
Корреас Родрининг ўйинга қўшаётган ҳиссасини алоҳида таъкидлади. Журналистга кўра, ярим ҳимоячи ҳар бир ўйинда ўсишда давом этмоқда ва «Барселона»нинг марказий чизиғига ўйинни назорат қилиш сифатини олиб кирди.
«Родри аллақачон «Барселона»нинг энг муҳим янги футболчиларидан бирига айланяпти. «Севилья»га қарши баҳсда у тўпни кўп марта қайтарди, рақибнинг қарши ҳужумларини тўхтатди ва Педри билан бирга иккинчи бўлимда жамоага ташаббусни ўз қўлига олишга ёрдам берди.
Бешта ўйинни кетма-кет асосий таркибда бошлаганидан сўнг, унинг майдондаги таъсири янада ортаяпти. У ярим ҳимояга керакли хотиржамлик ва ўйин устидан назоратни олиб кирди», - деб ёзди Корреас ижтимоий тармоқларда.
Изоҳлар (0)