Испаниянинг гранд клуби Рэшфордни ижарага олмоқчи

Мадриднинг "Атлетико" клуби "Манчестер Юнайтед" ҳужумчиси Маркус Рэшфордни қишки трансферлар ойнасида ижарага олиши мумкин. 
 
Хабарингиз бор, Англиялик вингер Манчестер дербисида иштирок этмади. Бош мураббий бунга асосий сабаб сифатида футболчининг машғулотлардаги ҳаракатлари ва тартиб интизомини келтириб ўтди. 
 
Бир нечта манбаларнинг хабарига кўра, мураббий ва футболчи ўртасидаги муносабатлар ёмонлашган. Шу сабабли, клуб раҳбарлари Рэшфордни тезроқ сотиш ҳақида ўйламоқда. 
 
Ҳозир Маркус учун асосий даъвогарлар рўйхатида "матрасчилар" етакчи. Клуб имкон бўлиши биланоқ футболчини ижара асосида олиб келмоқчи. 
 
Маълумот ўрнида, 27 ёшли ўйинчи бу мавсум 24 та ўйинда иштирок этиб, 7 та гол ва 3 та голли узатмага муаллифлик қилган. Унинг "қизил иблислар" билан шартномаси 2028 йилгача мўлжалланган бўлиб, Тransfermarkt порталидаги нархи 55 миллион евро деб баҳоланмоқда.